Mukhang Maihaharap (re-post)

Naglalakad sa dilim
Tanging bituin ang nagniningning

Nakayapak lang ang dalaginding

Umiiyak ang pusong maramdamin.

Walang mukhang maihaharap

Dahil sa karanasang napakasaklap

Gumuho ang kanyang pinapangarap

Kailan ma'y hindi na ito malalasap.

Walang masyadong pinag-aralan

Walang gaanong kamag-anakan

Nawawala ang lahat-lahat

Ng kanyang mahawakan.

Naglakad siya nang naglakad

Hanggang may naaninag na liwanag

Tumakbo siya nang tumakbo

Hanggang siya ay natuto.

Binago niya ang lahat-lahat

Dating pangarap kanyang hinahangad

Sinusubukang ito'y malasap

Upang siya'y may mukhang ihaharap.